Xaricə ixrac olunan kənd təsərrüfatı məhsulundan əldə olunan pul vəsaitlərini ölkəyə qaytarmayan vəzifəli şəxs ifşa edilib.
Shimal.News xəbər verir ki, Azərbaycan Respublikasının Baş Prokurorluğuna “EA-Fruits” Məhdud Məsuliyyətli Cəmiyyəti tərəfindən ümumilikdə 30.4 milyon ABŞ dollarından artıq pul vəsaitinin (müvafiq dövrün məzənnəsi ilə 51.8 milyon manatdan artıq) ölkəyə qaytarılmamasına dair Dövlət Gömrük Komitəsindən məlumat daxil olub.
Nəticədə Adil Məmmədov iş üzrə təqsirləndirilən şəxs qismində cəlb olunub. Onun barəsində Quba rayon Məhkəməsinin qərarı ilə həbs qətimkan tədbiri seçilib.
Hazırda Dövlət Gömrük Komitəsindən daxil olmuş digər bu kateqoriya materiallar üzrə, yəni mal və məhsul ixrac etməklə əldə edilən pul vəsaitini Azərbaycan Respublikasının müvəkkil bank hesablarına qaytarmamış şəxslər barəsində prokurorluq orqanlarında cinayət işləri başlanaraq ibtidai istintaq aparılır və zəruri tədbirlər icra olunur.
