Qusar Rayon Mərkəzi Xəstəxanasının vəzifəli şəxsinə elektron qolbaq taxılıb.
Shimal.News-un məlumatına görə, cinayətin istintaqı Qusar Rayon Məhkəməsində keçirilib.
Belə ki, İlkin Seyidov (ad şərtidir) Qusar Rayon Mərkəzi Xəstəxanasının maliyyə şöbəsinin hesabatlıq bölməsinin xəzinədarı vəzifəsində çalışıb. O, 2023-cü ildə xəstəxananın 20 045,82 manat pulunu mənimsəməkdə təqsirləndirilib.
İlkin Seyidov Qusar Rayon Məhkəməsində keçirilən istintaq dövründə törətdiyi cinayət əməlini səmimi etiraf edib. Bildirib ki, mənimsədiyi pulları xəstəxanaya geri qaytarıb, əməlindən peşmançılıq hissi keçirir:
“İşlədiyim müddətdə vəzifəmə düzgün yanaşmadığım üçün yoxlama aparıldı. Yoxlama zamanı 20 min manatdan çox məbləğdə çatışmazlıq olduğu aşkarlandı. İşimə səhlənkar yanaşdığım üçün çatışmayan məbləğ çox oldu. Pulları saymayıb götürdüyüm üçün özümü təqsirli bilirəm. Törətdiyim cinayət əməlindən peşmanam”.
Qusar Rayon Məhkəməsinin hökmü ilə ona 1 il müddətinə azadlığın məhdudlaşdırılması, yəni elektron qolbaq növündə cəza təyin edilib.
Fidan İlqar
View this post on Instagram
