Quba rayonu, 1-ci Nügədi kəndində işlək transformator məntəqəsi uzun müddətdir ki, təhlükə mənbəyi olaraq qalır.
Məsələ ilə bağlı Shimal.News-a danışan yerli sakinlərin sözlərinə görə, transformatorun qapısı açıqdır və ətrafında da heç bir qoruyucu hasar yoxdur.
“Transformatorun qapısı güclü külək olan kimi aşır. Bununla bağlı bu problem dəfələrlə yaşanıb. Vəziyyətlə bağlı aidiyyəti quruma məlumat versək də, onlar sadəcə gəlirlər qapını bağlayıb gedirlər. Bir ildir deyirlər ki, “nəzərə alacağıq, həll edəcəyik”. Nə ərazi hasara alınır, nə də qurğu yaşayış məntəqəsindən uzaqlaşdırılır.
Bu, xüsusilə yaxınlıqda oynayan uşaqlar üçün ciddi təhlükə yaradır. Hər an bədbəxt hadisə baş verə bilər”,- deyə sakinlər bildiriblər.
Yerlilər aidiyyəti qurumlardan dərhal tədbir görülməsini və ərazinin təhlükəsiz hala gətirilməsini istəyirlər.
