Zaqatalanın Köhnə Suvagil kəndində yaşayan Firuzə nənə gündəlik işlərini özü görür, dağ cığırları ilə hərəkət edir və yabanı otlar toplayaraq həyatını davam etdirir.
Shimal.News xəbər verir ki, 90 yaşlı Firuzə nənənin həyatından bəhs edən 25 dəqiqəlik sənədli film onun gündəlik yaşamını, təbiətlə bağlılığını və dağ kəndindəki çətinliklərini əks etdirir.
Filmdə yaşlı qadının dağ yollarında hərəkət etməsi, təbiətdən qida toplaması və şəhər həyatının səs-küyündən uzaqda, təbiətin ritminə uyğun yaşaması göstərilir.
Sənədli ekran əsəri yalnız bir qadının həyat hekayəsini deyil, həm də tədricən yox olmaqda olan kənd həyatını, zəhməti, dözümlülüyü və insanla təbiət arasındakı bağlılığı əks etdirir.
