Şimal rayonlarının dağlıq ərazilərində leysanla yanaşı, dolu düşəcəyi ehtimalı var.
Shimal.News xəbər verir ki, Milli Hidrometeorologiya Xidməti oktyabrın 22-nə olan hava proqnozunu açıqlayıb.
Proqnoza əsasən, ölkənin rayonlarında arabir yağış yağacağı gözlənilir. Bəzi yerlərdə yağıntının intensiv və güclü olacağı, şimşək çaxacağı, dolu düşəcəyi, yüksək dağlıq ərazilərdə isə qar yağacağı ehtimal edilir.
Gecə və səhər saatlarında bəzi yerlərdə duman müşahidə olunacağı gözlənilir.
