Xaçmaz rayonunun əsas təsərrüfat məhsullarından biri olan fındığın yığımı başlayır. Bu barədə ShimalNews 9 avqust tarixində Bizim.Media-ya istinadən məlumat verir.
Məlumata görə, yağıntılı hava şəraitinin maneə yaratmasına baxmayaraq, artıq bir neçə gündür ki, Dədəli, Bostançı, Palıdlı, Nağıoba, Kiçik Baraxum, Sibiroba, Hacı Əbrürrəhimoba kəndlərində proses başlanılıb. Kütləvi yığım isə avqustun 10-dan sonra həyata keçiriləcək.
Rayon üzrə 12 qəbul məntəqəsi və 2 emal müəssisəsi fəaliyyət göstərir. Burada əldə olunan məhsullar Rusiyaya, Polşaya, Malayziyaya və digər ölkələrə ixrac edilir.
Xaçmazda "Ata-baba", "Yağlı fındıq", "Xaçmaz", Qızıl" və digər sortlar var. Onu, həmçinin el arasında kəşfiyyatçı meyvəsi kimi tanıyırlar.
