Xaçmazı təmsil edən basketbol komandası “NTD-İndigo”nun basketbolçusu Rəşid Abbasov çempionatdakı vəziyyətdən danışıb. Bu haqda ShimalNews 22 dekabr tarixində məlumat verir.
“Heyətə səviyyəli azərbaycanlılar və xaricdən gələn təcrübəli oyunçular daxildir. Hamı çempionluq uğrunda mübarizəyə hazırdır”, - deyə Rəşid bildirib.
Komandamız Azərbaycan Basketbol Liqasının VIII turunda “Cəlilabad” üzərində 108-93 hesabı ilə qələbə qazanıb. Görüşü şərh edən idmançımız, xüsusən Əkbər Məmmədov və Murad Babayevi qeyd edib.
“NTD-İndigo” Azərbaycan Basketbol Liqasının IX turunda dekabrın 24-də “Şəki”nin qonağı olacaq. Hazırda isə 15 xal toplayaraq, turnir cədvəlinin 2-ci pilləsində qərarlaşıb.
