"Şəfa" milli komandaların oyunları ilə əlaqədar yaranmış fasilədən istifadə edərək "Şahdağ Qusar"la yoxlama oyunu keçirib.
Qarşılaşma 1-ci Liqa təmsilçisinin 2:1 hesablı qələbəsi ilə yekunlaşıb.
Qeyd edək ki, hazırda Misli Premyer Liqasında "Şəfa" 5 xalla 11-ci, "Şahdağ Qusar" isə 1-ci Liqada 18 xalla liderdir.
Xatırladaq ki, Misli Premyer Liqasının 12-ci turunda "Şəfa" "Qəbələ"ni qəbul edəcək. "Şahdağ Qusar" isə 1-ci Liqanın 8-ci turunda "Gəncəbasar"la qarşılaşacaq.
