Vətən müharibəsində şəhidlik zirvəsinə ucalan Elməddin Məhərrəmovun doğum günüdür.
Elməddin Şahlar oğlu Məhərrəmov 1999-cu il noyabrın 13-də Siyəzən rayonunun Məşrif kəndində anadan olub. O, kənd məktəbini bitirib. Subay olub.
Azərbaycan Ordusunun əsgəri olan Elməddin Məhərrəmov 2020-ci il sentyabrın 27-də başlayan Vətən müharibəsində iştirak edib. O, Kəlbəcər (Murovdağ), Füzuli və Cəbrayıl istiqamətlərində gedən döyüşlərdə vuruşub.
Oktyabrın 5-də Cəbrayıl uğrunda gedən döyüşlərdə qəhrəmancasına şəhid olub.
Elməddin Məhərrəmov ölümündən sonra "Vətən uğrunda", "Cəsur döyüşçü", "Kəlbəcərin azad olunmasına görə", "Füzulinin azad olunmasına görə","Cəbrayılın azad olunmasına görə" medalları və "Azərbaycan Bayrağı" ordeni ilə təltif edilib.
