Şimali Kipr Türk Respublikasının Girnə sahillərində baş verən gəmi qəzası ilə bağlı başladılan istintaq çərçivəsində 3-ü Azərbaycan vətəndaşı olmaqla, 9 nəfərin həbs müddəti daha 7 gün uzadılıb.
Saxlanılan Azərbaycan vətəndaşları Qədir Quliyev (Şabran sakini), Valeh Hümbətov (Xaçmaz sakini) və Rəşad İbrahimovdur (Bakı sakini).
Növbəti məhkəmə prosesi noyabrın 20-də keçiriləcək.
Xatırladaq ki, Girnə limanı ilə Türkiyənin Mersin şəhərindəki Taşucu limanı arasında hərəkət edən "Filo Jet" sərnişin gəmisi avqustun 30-da Girnədən yola düşdükdən qısa müddət sonra qəzaya uğrayaraq batıb. Hadisə nəticəsində 26 nəfər həyatını itirib, 239 nəfər xilas olunub.
Qəza ilə bağlı avqustun 31-də 14 ekipaj üzvü məhkəmə qarşısına çıxarılıb. Onlardan 9-u barəsində ilkin olaraq 3 günlük həbs qətimkan tədbiri seçilib.
Mənbə: Report.аz
