Qusarda yeniyetmələr arasında velosiped yarışı keçirilib. Bu haqda ShimalNews 21 dekabr tarixində Gənclər və İdman İdarəsinə istinadən məlumat verir.
Turnir Olimpiya İdman Kompleksinin 15 illik yubileyi münasibətilə təşkil edilib. 30 velosipedçinin iştirak etdiyi yarış zamanı idmançılar kompleksin kotteclər olan ərazisində 500 metr məsafə qət etmişlər. Kiçik yaşlı yeniyetmələr arasında Emin Məcidov qızıl, Elmin Koroğluyev gümüş, Timur Hacıyev bürünc medala layiq görülüblər. Böyük yaşlı yeniyetmələr arasında isə David Abdulrəhmanov birinci, Ruslan Kiçikbəyov ikinci, Ramin Kəlbəliyev üçüncü yerdə qərarlaşıblar.
Qaliblərə Azərbaycan Velosiped Federasiyasının (AFV) medal və qiymətli hədiyyələri, həmçinin diplomlar təqdim olunub.
Turnir AFV və Qusar Olimpiya İdman Kompleksinin birgə təşkilatçılığı ilə baş tutub.
