Qusarda voleybol üzrə məktəbli qızlardan ibarət komandalar arasında yoldaşlıq görüşü keçirilib. Bu haqda ShimalNews 19 dekabr tarixində məlumat verir.
"İdman hamı üçün" layihəsi çərçivəsində təşkil edilən yarış Olimpiya İdman Kompleksində baş tutub. Burada Qusar Olimpiya İdman Kompleksini və Qusar rayon Gədəzeyxur kənd məktəbini təmsil edən komandalar gücünü sınayıb.
Tədbirdə Qusar Olimpiya İdman kompleksinin direktoru Elşən Məmmədov, Qusar rayonu üzrə gənclər və idman sektorunun əməkdaşları, məşqçi-müəllimlər və 20 idmançı iştirak ediblər.
Sonda qalib gəlmiş qızlardan ibarət komanda ilə Olimpiya İdman Kompleksinin kişilərdən ibarət komandası arasında oyun keçirilib.
