Qusarda şahmat üzrə master-klas keçirilib. Bu haqda ShimalNews 4 mart tarixində məlumat verir.
"İdman həftəsi" çərçivəsində “Simurq” Kulturologiya Mərkəzində baş tutan tədbirdə 30 idmançı iştirak edib. 5 Mart - Bədən Tərbiyəsi və İdman Günü münasibətilə təşkil olunan ustad dərsi Şahmat Məktəbinin məşqçi-müəllimi Daim Ağalarov tərəfindən aparılıb.
Master-klasın keçirilməsində məqsəd yeniyetmə və gənclərin şahmat idman növünə marağının artırılması və rayonda inkişaf etdirilməsidir.
Sonda 5 Mart - Bədən Tərbiyəsi və İdman Günü münasibətilə Daim Ağalarov Quba-Xaçmaz Regional Gənclər və İdman İdarəsinin Fəxri Fərmanı ilə, 15 nəfər idmançı isə sertifikatlarla mükafatlandırılıblar.