Quba-Xaçmaz Regional Təhsil İdarəsinin tabeliyində fəaliyyət göstərən məktəblər arasında futzal turniri keçirilib. Bu haqda 11 may tarixində ShimalNews quruma istinadən məlumat verir.
Yarışın yarımfinal mərhələsində 4 komanda - Quba, Xaçmaz, Qusar və Siyəzən məktəblərinin komandaları yarışıb. Final mərhələsində isə 2 komanda - Quba və Siyəzən məktəblərinin komandaları mübarizə aparıb.
Turnirin birincisi Quba rayonu Alekseyevka kənd tam orta məktəbinin komandası olub. Siyəzən şəhəri 2 nömrəli tam orta məktəbin komandası 2-ci, Qusar şəhəri 2 nömrəli tam orta məktəbin komandası 3-cü yerə, Xaçmaz şəhəri 6 nömrəli tam orta məktəbin komandası isə 4-cü yerə layıq görülüb.
