Qubada keçirilən “İdmanın ürəyi Qubada döyünür” adlı müxtəlif idman növləri üzrə spartakiada mayın 10-dək davam edəcək. Bu barədə ShimalNews 24 aprel tarixində məlumat verir.
Turnirlər minifutbol, voleybol, atletika, stolüstü tennis və digər idman növləri üzrə təşkil olunacaq. ADPU-nun Quba filialının tələbələrindən ibarət komandalar öz gücünü sınayacaq.
Yarışların keçirilməsində əsas məqsəd bədən tərbiyəsi və idmanın tələbələr arasında kütləvi inkişafı, onların fiziki cəhətdən sağlam böyüməsinə və idman növləri ilə daim məşğul olmalarına zəmin yaratmaqdır.
