Quba rayonunun Digah, Xucbala, Aşağı Atuc, Aşağı Xuc, Çartəpə, Alpan, Vladimirovka və Susay kəndlərində yaşayan və təhsil alan yeniyetmə və gənclər biliklərini sınayıblar.
Shimal.News xəbər verir ki, Quba-Xaçmaz Regional Gənclər və İdman İdarəsinin dəstəyi, “Yurd” Gənclərin İntellektual İnkişafına Dəstək İctimai Birliyinin təşkilatçılığı ilə “Şəhərdən kəndə-səyyar intellekt marafonu” layihəsi çərçivəsində növbəti tədbir keçirilib.
Seçim turunun yekununda Susay kəndini təmsil edən eyniadlı komanda birinci, Digah kəndini təmsil edən “Uğur” komandası ikinci, Çartəpə kəndinin təmsilçisi olan “Zəka” komandası isə üçüncü yeri tutub.
Yarışın əsasnaməsinə uyğun olaraq ilk iki yeri tutan komandalar final mərhələsində iştirak etmək haqqı qazanıb. Yekunda qalib və mükafatçılar diplom, medal və kubokla təltif olunublar.
Layihə çərçivəəsində növbəti turnir Quba rayonu Qımılqışlaq kənd tam orta məktəbində keçiriləcək.
