Qubada voleybol üzrə zona birinciliyi keçirilib. Bu haqda ShimalNews 26 dekabr tarixində məlumat verir.
Yeniyetmə və gənc qızlar arasında baş tutan yarış Quba Olimpiya İdman Kompleksində təşkil edilib. Turnirdə Quba, Qusar, Xaçmaz, Siyəzən və Şabran rayonlarından 2007-2008-ci il təvəllüdlü qızlardan ibarət komandalar iştirak edib.
Yarışın nəticələrinə əsasən, Qusar rayon Urva komandası 1-ci yeri, Qusar şəhər komandası 2-ci yeri, Quba rayon komandası 3-cü yeri tutub. Qaliblər diplom və medallarla təltif olunublar.
