Qubada veteran futbolçular arasında minifutbol üzrə yoldaşlıq görüşü keçirilib. Bu haqda 30 may tarixində ShimalNews Quba rayon Gənclər və İdman idarəsinə istinadən məlumat verir.
Oyun qubalı futbol hakimi Akif Əliyevin anadan olmasının 65 illik yubileyi münasibətilə təşkil edilib. Quba rayon Gənclər və İdman idarəsinin rəisi Mustafa Nöhbalayev çıxışında Akif Əliyevi təbrik edib. Hakim idmanın inkişafında göstərdiyi səmərəli xidmətlərinə, yarışlarda fəal iştirakına görə idarə tərəfindən Fəxri Fərmanla təltif edilib.
