Qubada U-15 sərbəst güləş və yunan-Roma güləşi idman növləri üzrə zona birincilikləri keçiriləcək. Bu haqda ShimalNews 7 fevral tarixində məlumat verir.
“Quba - İdman Paytaxtı 2024” çərçivəsində təşkil edilən yarışda güləşçilərin Azərbaycan çempionatına seçimi baş tutacaq. Turnir fevralın 8-i və 9-u Olimpiya İdman Kompleksində keçiriləcək.
İdman tədbiri Gənclər və İdman Nazirliyinin və Azərbaycan Güləş Federasiyasının birgə təşkilatçılığı, Quba-Xaçmaz Regional Gənclər və İdman İdarəsinin texniki dəstəyi ilə həyata keçiriləcək.
