Əslən Oğuz rayonundan olan azərbaycanlı MMA döyüşçüsü Məhəmmədəli Osmanlı rəsmi olaraq UFC-nin döyüşçüsü statusunu alıb.
Shimal.News-un məlumatına görə, dünyanın ən böyük MMA təşkilatının rəsmi saytında 22 yaşlı idmançının şəxsi profili yaradılıb. Osmanlı UFC-nin ən yüngül çəki dərəcəsində yer alıb.
Gənc döyüşçünün UFC-də debüt tarixi də açıqlanıb. Məhəmmədəli Osmanlı 26 sentyabr 2026-cı ildə Las-Veqasda yerləşən "Meta APEX" arenasında təşkil olunacaq "UFC Fight Night: Rosas Jr. vs Barcelos" turnirində oktqona çıxacaq.
Onun ilk rəqibi Qırğızıstan təmsilçisi İlimbek Akılbek Uulu olacaq.
Osmanlının UFC-nin aktiv heyətinə daxil olması ilə təşkilatda Azərbaycanı təmsil edən döyüşçülərin sayı altıya yüksəlib.
İndiyədək UFC-də Azərbaycan bayrağını Rafael Fizieyev, Nazim Sadıxov, Tofiq Musayev, Fərman Həsənov və Tahir Abdullayev təmsil edib.
Beləliklə, Oğuz əsilli Məhəmmədəli Osmanlı Azərbaycanın UFC-dəki yeni təmsilçisi kimi böyük səhnədə debüt etməyə hazırlaşır.
