İsmayıllıda idarə, müəssisə və təşkilatlar arasında minifutbol üzrə turnir keçiriləcək. Bu barədə ShimalNews 26 aprel tarixində Gənclər və İdman İdarəsinə (Gİİ) istinadən məlumat verir.
Təşkilatçılıq ümummilli lider Heydər Əliyevin anadan olmasının 100 illik yubileyi münasibətilə YAP və Gİİ tərəfindən təmin olunacaq. “A” və “B” qrupları üzrə oyunlar mayın 1-i Heydər Əliyev adına parkın meydançasında cərəyan edəcək.
Matçların cədvəlini oxuculara təqdim edirik:
-İsmayıllı Dövlət Peşə Təhsil Mərkəzi - İsmayıllı Regional Mədəniyyət İdarəsi (saat 10:00-da);
-İsmayıllı Elektrik Şəbəkəsi İdarəsi - Dağlıq Şirvan Regional Təhsil İdarəsi İsmayıllı sektoru (saat 10:30-da);
-İsmayıllı Rayon İcra Hakimiyyəti - İsmayıllı rayon Dövlət Yanğından Mühafizə Hissəsi (saat 11:00-da);
-İsmayıllı Olimpiya İdman Kompleksi - İsmayıllı Qaz İstismar Sahəsi (saat 11:30-da).
