Avropa kubokunda gümüş qazanan idmançı ilə İsmayıllı RİH-də görüş keçirilib. Bu barədə ShimalNews 19 aprel tarixində adıçəkilən quruma istinadən məlumat verir.
İcra başçısı Nahid Bağırov gənc cüdoçu Ayxan Mirzəzadəni qəbul edib. Ona uğurlar arzu edərək Fəxri Fərman və hədiyyə təqdim edib. Sonra isə onlar xatirə şəkilləri çəkdiriblər.
Ayxan Çexiyanın Teplis şəhərində keçirilən yarışda 55 kq çəki dərəcəsində rəqiblərini məğlub edib. Nəticə etibarı ilə komandamıza gümüş medal qazandırıb.
