“Şahin” hərbi-idman oyunlarında İsmayıllı komandası I yer tutaraq finala vəsiqə qazanıb. Bu barədə ShimalNews 28 aprel tarixində Gənclər və İdman İdarəsinə istinadən məlumat verir.
Aprelin 27-si Göyçay rayonunda zona yarışı keçirilib. Burada Mərkəzi Aran İqtisadi rayonu üzrə Mingəçevir şəhəri, Ağdaş, Kürdəmir, Ucar, Yevlax və Zərdab rayonları, Dağlıq Şirvan iqtisadi rayonu üzrə Ağsu, İsmayıllı, Qobustan və Şamaxı rayonları, Şəki şəhəri iştirak edib. Diyallı kənd tam orta məktəbin komandası rayonumuzu layiqincə təmsil edərək qızıl medal qazanıb.
Qalibiyyətlə geri dönən komanda başda məşqçi-müəllimlər Altay Pənahlı və Aqil Bəşirov, nümayəndə - Fərhad Qurbanov olmaqla Mərkəzi Meydanda qarşılanıblar.
