İsmayıllıdan olan komanda Xocalı komandası ilə Ulu Öndər Kuboku yarışının ikinci oyununda qarşılaşıb. Bu haqda 24 aprel tarixində ShimalNews Rayon Gənclər və İdman İdarəsinə istinadən məlumat verir.
Ulu öndər Heydər Əliyevin anadan olmasının 100 illiyinə həsr olunan yarış İsmayıllı rayonu Olimpiya İdman Kompleksi stadionunda keçirilib. Müharibə iştirakçıları və qazilərinin qatıldığı turnirdə “Difai” (İsmayıllı) “Difai” (Xocalı) komandasını 2:0 hesabı ilə məğlub edib.
Tədbirdə "MƏDİNƏ" Humanitar Yardım Təşkilatı İB, “Difai” Futbol Klubu, İsmayıllı RİH-nin məsul əməkdaşları, rayon Gİİ-nin rəisi, rayon Olimpiya İdman Kompleksinin direktoru, qurumların əməkdaşları, mətbuat nümayəndələri, müharibə iştirakçıları, qazilər və azarkeşlər iştirak ediblər.
