AFFA İntizam Komitəsinin iclası keçirilib.
Shimal.News xəbər verir ki, iclasda II Liqada çıxış edən komandalarımızla bağlı qərarlar qəbul olunub.
Nəticədə, 5 noyabr 2024-cü il tarixində II Liqanın IX turunun “Şəfa” – “Hypers Guba” oyununun 90+2-ci dəqiqəsində “Hypers Guba” komandasının 55 nömrəli futbolçusu Qeyrət Əliyev ikinci sarıdan sonra qırmızı vərəqə aldığı üçün 1 oyun cəzalanır, “Hypers Guba” komandası 50 manat cərimə edilir (maddə 36.5);
Bundan əlavə, 5 noyabr 2024-cü il tarixində II Liqanın IX turunun “Şəfa” – “Hypers Guba” oyununda “Hypers Guba” komandasının 5 futbolçusu sarı vərəqə aldığı üçün “Hypers Guba” komandası 70 manat cərimə edilir (maddə 37);
6 noyabr 2024-cü il tarixində II Liqanın IX turunun “Şahdağ Qusar” – “Göygöl” oyununun 58-ci dəqiqəsində “Göygöl” komandasının 99 nömrəli futbolçusu Pərvin Zeynalov rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyun cəzalanır, “Göygöl” komandası 100 manat cərimə edilir (maddə 41).
