"Şahin" hərbi-idman oyununun Qusar rayon mərhələsi keçirilib. Bu haqda ShimalNews 10 aprel tarixində məlumat verir.
Müdafiə Nazirliyinin “N” saylı hərbi hissəsində təşkil olunan yarışda hərbi hissə komandiri polkovnik Cavidan Qarayev, Quba-Xaçmaz Regional Gənclər və İdman İdarəsinin rəis müavini Mustafa Nuhbalayev, Qusar rayonu üzrə gənclər və idman sektorunun müdiri Emil Əmirmətov, sektorun əməkdaşları, hərbi hazırlıq, fiziki tərbiyə müəllimləri, hərbi hissənin gizir və zabitləri və 16 məktəb komandası iştirak ediblər.
224 məktəblinin mübarizə apardığı oyunun qalibləri aşağıda qeyd edilib:
1-ci yer - Atlıxan kənd tam orta məktəbin komandası;
2-ci - şəhər 6 nömrəli tam orta məktəbin komandası;
3-cü yer - Yuxarı Zeyxur kənd məktəbinin komandası.
Qaliblər və müxtəlif mərhələlərdə fərqlənmiş iştirakçılar Quba-Xaçmaz RGİİ-nin diplom və medalları ilə təltif ediliblər. Atlıxan kənd tam orta məktəbin komandası zona mərhələsində rayonu təmsil etmək hüququ qazanıb.
