Ümumrespublika seminarı çərçivəsində Azərbaycan Güləş Federasiyası ölkənin bütün bölgələrini əhatə edən seminarlar keçirəcək.
Shimal.News xəbər verir ki, tədbir Quba, Xaçmaz, Qusar, Siyəzən və Şabran rayonları üçün noyabrın 14-ü Qubada təşkil olunacaq. İsmayıllı, Ağsu, Qobustan və Şamaxı rayonlar üzrə isə noyabrın 22-si İsmayıllıda seminar baş tutacaq.
Həmin vaxt milli komandalarımızda çalışan mütəxəssislər və hakimlərimiz nəzəri və praktiki məşğələlərdə öz təcrübələrini məşqçilərlə bölüşəcək, məşqlərin keçirilməsi, güləş qaydalarının ətraflı izahı və s. mövzuda geniş məlumatlar veriləcək.
