“Şahdağ” Turizm Mərkəzində snoubordçular Heydər Əliyev kuboku uğrunda mübarizə aparıblar. Bu haqda ShimalNews 20 fevral tarixində məlumat verir.
Yarışda 5 müxtəlif yaş kateqoriyası üzrə 50-dək həvəskar snoubordçu iştirak edib. Fəxri kürsünün ən yüksək pilləsinə Leah McKennel (Almaniya, 9-12 yaş, qızlar) Kamal Bəşirli (Azərbaycan, 9-12 yaş, oğlanlar), Osimi Van meir Joah (Belçika, 13-17 yaş, oğlanlar), Günay Cavanşir (Azərbaycan, 18-25 yaş, qadınlar), Krems Philipp (Almaniya, 18-25 yaş, kişilər), Yekaterina Basheva (Rusiya Federasiyası, 26-45 yaş, qadınlar), Şamil Jıqlov (Rusiya Federasiyası, 26-45 yaş, kişilər), Tomoyuki Okada (Yaponiya, 46+ yaş, kişilər) qalxıblar.
Heydər Əliyev kuboku fevralın 27-də uşaqlar arasında xizək yarışı üzrə davam etdiriləcək.
