Bu gündən noyabrın 24-dək Quba Olimpiya İdman Kompleksində III İdman Festivalı keçiriləcək.
Shimal.News xəbər verir ki, tədbirə 23 idman növü üzrə 100 idmançı (13-15 yaş), eləcə də 34 məşqçi qatılacaq. Onların siyahısında Türkiyə və Mərakeşdən də iştirakçılar olacaq.
Festivalda idmançılara vokal, aktyorluq, rəqs, ingilis dilindən danışıq dərsləri, eyni zamanda hərbi-vətənpərvərlik hazırlığı, skautinq, ilkin tibbi yardım təlimləri təşkil olunacaq. Həmçinin “İdman səfirləri” tərəfindən taekvondo, gimnastika, cüdo, futbol və milli idman növləri üzrə ustad dərsləri də keçiriləcək.
Proqramda kino axşamları, tonqal ətrafında səmimi görüşlər də nəzərə alınıb. 22-23 noyabr tarixlərində isə Quba şəhəri, Nizami parkında müxtəlif idman növləri üzrə nümunəvi çıxışlar, eləcə də tanınmış müğənnilərin iştirakı ilə konsert proqramı təşkil olunacaq.
