Azərbaycanın üç güləşçisi dünya çempionatında qızıl medal qazanıb.
Shimal.News xəbər verir ki, Albaniyanın paytaxtı Tiranada keçirilən dünya çempionatında yunan-Roma güləşi üzrə yarışa yekun vurulub.
Millimiz möhtəşəm çıxış edərək Azərbaycan güləş tarixində yeni səhifə açıb.
55 kq çəki dərəcəsində mübarizə aparan Eldəniz Əzizli finalda iranlı Poya Marz ilə üz-üzə gəlib. Görüş 1:1 hesabı ilə başa çatsa da, xalların keyfiyyətinə görə E.Əzizli qalib gəlib və dördqat dünya çempionu olub.
63 kq çəki dərəcəsində mübarizə aparan Nihat Məmmədli qazaxıstanlı Yerjet Jarlikassiyə 6:1 hesabı ilə qalib gələrək çempion olub.
72 kq çəki dərəcəsində mübarizə aparan Ülvü Qənizadə fransalı rəqibi İbrahim Qanemə 3:2 hesabı ilə qalib gəlib.
