Şəki şəhərindən olan Birinci Qarabağ müharibəsi şəhidi Könül Qəhrəmanovanın atası Kamran Qəhrəmanov vəfat edib.
Shimal.News xəbər verir ki, Kamran Qəhrəmanovun uzun illər xəstəlikdən əziyyət çəkdiyi bildirilir. Məlumata görə, şəhid atası bu gün torpağa tapşırılacaq.
Qeyd edək ki, Könül Qəhrəmanova 1972-ci ildə Şəki şəhərində anadan olub. O, 1991-ci ilin noyabrında ali təhsilini yarımçıq qoyaraq könüllü şəkildə cəbhəyə yollanıb. 1992-ci ildə Xocalı, Ağdam və Ağdərə istiqamətlərində tibb bacısı kimi yaralı döyüşçülərə yardım göstərib.
1992-ci ilin sentyabrında Ağdam rayonunun Cinli kəndi uğrunda gedən ağır döyüşlər zamanı düşmən gülləsinə tuş gələrək şəhid olub. Şəhid Könül Qəhrəmanova Şəki şəhərində dəfn edilib.
