Qurban bayramı İslamın müqəddəs bayramlarından biridir. “Qurban” sözü ərəb dilində “Allahın rəhmətinə yaxınlaşma” mənasını verir.
Qurban bayramı İbrahim Peyğəmbərin öz oğlu İsmayılı Allah yolunda qurban kəsmək niyyətini bildirən hadisə ilə əlaqədar yaranıb. Deyilənə görə, Allah İbrahim Peyğəmbərin sadiqliyini sınamaq üçün ondan yeganə oğlu olan İsmayılı qurban kəsməyi tələb edir. İbrahim Peyğəmbər oğlunu qurban vermək istəyərkən Allah onu saxlayır və İsmayılın əvəzinə göndərdiyi qoyunu kəsməyi təklif edir. Nəticədə həmin qoç qurban kimi kəsilir.
Azərbaycan müstəqillik əldə etdikdən sonra 1992-ci il 27 oktyabr tarixli “Azərbaycan Respublikasının bayramları haqqında” Qanununa əsasən, Qurban bayramı ölkəmizdə dövlət səviyyəsində qeyd olunmağa başlayıb.
