Xaçmaz Suvarma qülləsi (Su nasos stansiyası) Xaçmaz şəhərində yerləşir. Qüllənin inşa tarixi 1903-cü ilə aiddir. Bina xeyriyyəçi Hacı Zeynalabdin Tağıyevin vəsaiti hesabına tikilib.
Suvarma qülləsi su anbarı rolunu oynayırdı. Ətrafdakı inzibati binalara və yaşayış evlərinə su buradan verilirdi. Binanın içərisində tutumu 200 ton olmaqla iki su çəni olub. Su borular vasitəsilə paravozlara vurulurdu. Suvarma qülləsi yanacaqdoldurma məntəqəsi kimi də fəaliyyət göstərirdi.
1917-ci ildə Suvarma qülləsi öz fəaliyyətini dayandırdı. Buna səbəb Şollar su kəmərinin istifadəyə verilməsi idi.
Hazırda Xaçmaz Suvarma qülləsi yerli əhəmiyyətli tarixi abidə kimi dövlət tərəfindən qorunur, lakin baxımsız vəziyyətdədir.
[caption id="attachment_49272" align="alignnone" width="640"]
Photo Shimal.News[/caption]
İstinad edilən mənbələr:
