Bu gün - noyabrın 17-si Azərbaycanda Milli Dirçəliş Günü qeyd olunur.
1988-ci ildə Ermənistanın Azərbaycana qarşı açıq təcavüzü başlandı. Moskvanın, xüsusən də SSRİ-nin rəhbəri M.Qorbaçovun buna biganə münasibətini görən ermənilər planlı şəkildə, Ermənistan hökumətinin tapşırığı və göstərişilə Ermənistanda yaşayan 200 mindən çox azərbaycanlını öz ata-baba yurdlarından kütləvi surətdə qovdular.
Azərbaycan xalqı ayağa qalxdı və noyabr ayından başlayaraq milli istiqlal hərəkatı geniş vüsət aldı. Həmvətənlərimiz Bakı şəhərinin Azadlıq meydanında toplaşıb, öz etirazlarını bildirirərək sovet hakimiyyətinin qarşısına çıxdılar. Dekabrda isə Sovet Ordusunun qüvvələri və ağır texnikası Azadlıq meydanına yeridilib. Mitinq dağıdılıb və fövqəladə vəziyyət elan edilib.
1991-ci ilin dekabrında Sovet İttifaqı dağıldı, Azərbaycan isə müstəqilliyə qovuşdu. Bundan sonra həmin hadisələr milli azadlıq hərəkatı kimi tarixə düşüb.
