Bu gün Vətən müharibəsi şəhidi Vüsal Ramazanovun doğum günüdür.
Vüsal Ramazanov 10 iyul 1994-cü ildə Zaqatala rayonunda anadan olub. 2012-ci ildə müddətli həqiqi hərbi xidmətə çağırılan Vüsal 2012–2014-cü illərdə Azərbaycan Silahlı Qüvvələrinin hərbi hissələrindən birində şərəflə xidmət edib.
2020-ci il sentyabrın 27-də başlayan Vətən müharibəsində Vüsal Ramazanov Füzuli və Xocavənd istiqamətlərində gedən ağır döyüşlərdə böyük igidlik göstərərək Azərbaycanın ərazi bütövlüyü uğrunda vuruşub.
Onunla sonuncu dəfə 2020-ci il oktyabrın 27-dən sonra əlaqə saxlamaq mümkün olmayıb. Daha sonra məlum olub ki, Vüsal Ramazanov oktyabrın 30-da Qırmızı Bazar qəsəbəsi istiqamətində gedən döyüşlər zamanı qəhrəmancasına şəhid olub.
Şəhid Vüsal Ramazanov doğulub boya-başa çatdığı Zaqatala rayonunun Yuxarı Çardaxlar kəndində dəfn edilib.
Vətən uğrunda canını fəda edən Vüsal Ramazanovun əziz xatirəsi xalqımızın yaddaşında daim yaşayacaq. Allah bütün şəhidlərimizə rəhmət eləsin, ruhları şad olsun.
