Zaqatala rayonunda yol polisi əməkdaşları tərəfindən "Təmiz hava" aylığı ilə əlaqədar profilaktik tədbir həyata keçirilib. Tədbirin məqsədi avtomobillərdən atmosferə atılan zərərli tullantıların ətraf mühitə və insan sağlamlığına vurduğu mənfi təsirlərin minimuma endirilməsi olub.
Shimal.News xəbər verir ki, reyd zamanı sürücülərlə maarifləndirici söhbətlər aparılıb, avtonəqliyyat vasitələrinin texniki sazlığının daim nəzarətdə saxlanılmasının vacibliyi diqqətə çatdırılıb.
Həmçinin qanunvericiliyin tələbləri izah olunaraq, atmosferə normadan artıq tullantı buraxan nəqliyyat vasitələrinin sürücülərinə bu halların aradan qaldırılmasının zəruriliyi bildirilib.
