Zaqatala ərazisindən keçən Qax–Zaqatala avtomobil yolunda yaranmış təhlükəli vəziyyət aradan qaldırılıb.
Shimal.News-un işıqlandırdığı problem həllini tapıb. Məlumata görə, ötən il təmir olunan Quruçay üzərindəki körpüdə yenidən çatlar əmələ gəlmişdi. Məsələ gündəmə gətiriləndən sonra aidiyyəti qurumlar tərəfindən əraziyə müdaxilə edilib.
Azərbaycan Avtomobil Yolları Dövlət Agentliyinin yerli Yol İstismarı MMC-si tərəfindən körpüdə zəruri təmir-bərpa işləri aparılıb, zədələnmiş hissələrə yeni asfalt örtüyü çəkilib.
Hazırda körpüdə təhlükə aradan qaldırılıb və yolun istismarı normal qaydada davam edir.
