Zaqatala rayonunun Yuxarı Çardaxlar və Qəbizdərə kəndlərində suvarma suyu ilə bağlı problem həll olunub.
Shimal.News xəbər verir ki, görülən işlər nəticəsində mənbəyini Muxax çayından götürən "Dəyirman-Arx" suvarma kanalına yenidən su buraxılıb. Bununla da Yuxarı Çardaxlar kəndində həyətyanı sahələrin, bağların və əkin sahələrinin suvarılması təmin edilib.
Eyni zamanda, mənbəyini Katex çayından götürən suvarma kanalına da suyun verilməsi bərpa olunub. Nəticədə Qəbizdərə kəndində həyətyanı və təsərrüfat sahələrinin su təminatı yenidən bərpa edilib.
