İlahə Həsənova Zaqatala rayon Şixəli Qurbanov adına 3 nömrəli tam orta məktəbə direktor təyin edilib.
Bizim.media-nın məlumatına görə, bu təyinata qədər yeni direktor Zaqatala rayon E.Osmanov adına Zəyəm kənd tam orta məktəbinə rəhbərlik edib.
Valideyn və rayonun təhsil sahəsində çalışan ziyalıları bu təyinatı təkcə yeni vəzifə deyil, həm də etimadın, zəhmətin və peşəkarlığın nəticəsi kimi qiymətləndirirlər. Valideynlər inanırlar ki, təhsil sahəsində çalışan hər bir rəhbərin əsas məqsədi savadlı, vətənpərvər və sağlam düşüncəli gənclər yetişdirməkdir.
