Zaqatala Rayon Mərkəzi Xəstəxanasında mümkün yanğın zamanı xilasedicilərin fəaliyyətinin təkmilləşdirilməsi məqsədilə yanğın-taktiki təlim keçirilib.
Shimal.News xəbər verir ki, FHN-in Dövlət Yanğından Mühafizə Xidmətinin təşkil etdiyi təlim "Səhiyyə müəssisələrində mümkün yanğınlar zamanı yanğın-xilasetmə əməliyyatının təşkili" mövzusunda olub.
Təlim zamanı şərti yanğınla bağlı "həyəcan" siqnalı verilib. FHN-in yanğından mühafizə bölmələri qısa müddətdə hadisə yerinə çataraq şərti yanğının söndürülməsi üzrə əməliyyata başlayıblar.
Ssenariyə uyğun olaraq xəstəxanada olan vətəndaşların təhlükəsiz əraziyə təxliyəsi həyata keçirilib. Şərti xəsarət alanlara ilkin yardım göstərilib.
Təlimin sonunda şərti yanğının qısa müddətdə söndürülməsi təmin olunub.
