Son bir həftə ərzində Xaçmaz, Zaqatala, Qəbələ, Abşeron, Zəngilan rayonları və Bakı şəhəri ərazisində yaşıllıqların qanunsuz kəsilməsi faktları aşkar olunub.
Shimal.News xəbər verir ki, bu barədə Dövlət Ekoloji Təhlükəsizlik Xidməti məlumat yayıb.
Araşdırma zamanı şimal rayonları üzrə - Xaçmaz rayonu Mürşüdoba kəndi, Zaqatala rayonu Muğanlı kəndi və Qəbələ-Oğuz avtomobil yolunun Zərgərli kəndindən keçən hissəsində ağacların qanunsuz kəsilib.
Nəticədə yaşıllıqlara 211350 manat məbləğində ziyan dəydiyi müəyyən edilib.
"Hər bir fakt üzrə yaşıllıqlara dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış materiallar hüquq-mühafizə orqanlarına göndərilib", - deyə Xidmət bildirib.
