Qəbələdə keçirilən XV Beynəlxalq Musiqi Festivalı möhtəşəm qala-konsertlə yekunlaşıb.
Shimal.News xəbər verir ki, festivalda Azərbaycanla yanaşı Almaniya, Avstriya, Qazaxıstan, Niderland, Özbəkistan, Rusiya və Vyetnamdan gələn musiqiçilər və rəqs kollektivləri çıxış ediblər.
Bağlanış mərasimində Əməkdar artist Fuad İbrahimovun dirijorluğu ilə Üzeyir Hacıbəyli adına Azərbaycan Dövlət Simfonik Orkestri səhnəyə çıxıb. Konsertdə Azərbaycan və dünya opera musiqisinin məşhur əsərləri səsləndirilib.
Bir həftə davam edən festival ərzində Qəbələ müxtəlif ölkələrin sənət adamlarını bir araya gətirərək beynəlxalq mədəni dialoq və musiqi bayramının ünvanına çevrilib. Qeyd edək ki, 2009-cu ildən keçirilən festival son iki ildə "Qış nağılı" adı ilə qış mövsümündə də təşkil olunur.
