Səhiyyə Nazirliyi Respublika Qan Bankının Quba bölməsi tərəfindən Xızıda könüllü qanvermə aksiyası keçirilib.
Shimal.News-un məlumatına görə, Xızı Rayon İcra Hakimiyyətinin təşkilatçılığı ilə Rayon Mərkəzi Xəstəxanasında baş tutan aksiya Heydər Əliyev Fondunun "Talassemiyasız həyat naminə" proqramı çərçivəsində təşkil edilib.
Toplanan qan irsi qan xəstəliklərindən əziyyət çəkən şəxslərin müalicəsində istifadə ediləcək.
