Xızı Rayon İcra Hakimiyyətində müxtəlif vəzifələrdə çalışmış Namiq Cəfərov yeni vəzifəyə təyin olunub.
Milli.az-ın məlumatına görə, o, Göygöl rayon icra başçısının birinci müavini vəzifəsinə gətirilib.
Qeyd edək ki, Namiq Cəfərov bu təyinata qədər Göygöl Rayon İcra Hakimiyyətində Ərazi idarəetmə və yerli özünüidarəetmə orqanları ilə iş şöbəsinin müdiri vəzifəsində çalışıb.
Namiq Cəfərov Naxçıvan Dövlət Universitetinin Hüquq fakültəsinin məzunudur. O, əmək fəaliyyəti dövründə Xızı Rayon İcra Hakimiyyətində başçının köməkçisi, ASAN Xidmətin Gəncə mərkəzinin direktoru və Azərbaycan Dövlət Aqrar Universitetində məsul vəzifələrdə işləyib.
Məlumata görə, Namiq Cəfərov 44 günlük Vətən müharibəsinin iştirakçısı olub və "Şuşanın azad olunmasına görə", həmçinin "Vətən müharibəsi iştirakçısı" medalları ilə təltif edilib.
