Xızı rayonunun Giləzi qəsəbəsinin sakinləri son günlər yağan güclü yağışlara görə çaylardan keçən sel nəticəsində həyatlarının çətinləşdiyini bildirirlər.
Məsələ ilə bağlı Shimal.News-a danışan sakinlərin sözlərinə görə, dəmiryolunun altında keçidin olmaması səbəbindən yola su yığılır. Suyun altında qalan yoldan keçmək isə ciddi çətinliklər yaradır.
"Suyun altında qalan yolda hərəkət etmək, xüsusilə məktəbə və işə gedənlər üçün imkansız hala gəlib. Bu vəziyyət artıq 3-cü ildir ki, təkrarlanır. Suların çəkilməsi isə təxminən bir ay çəkir. O bir ay ərzində biz isə böyük çətinliklərlə qarşılaşırıq", - deyə sakinlərdən biri bildirib.
Qəsəbə sakinləri, məsələ ilə bağlı aidiyyəti qurumlardan tez bir zamanda tədbir görmələrini və bu problemi həll etmələrini tələb edirlər.
