Quba rayonunun Xınalıq kəndində kənddaxili yolların vəziyyəti narazılıq doğurur.
Shimal.News-a müraciət edən sakinlərin sözlərinə görə, kəndin yolları uzun müddətdir təmir olunmur. Yol örtüyü ciddi şəkildə aşınıb, müxtəlif hissələrdə çatlar və çökəkliklər əmələ gəlib.
Yolun bəzi hissələrində asfalt örtüyü tamamilə dağılıb, kənarlarda isə çınqıl və torpaq sahələri yaranıb. Sakinlər bildirirlər ki, kənddaxili yolların böyük hissəsi bu vəziyyətdədir.
Onlar aidiyyəti qurumların məsələyə diqqət yetirməsini və yolların təmir olunmasını istəyirlər.
