Xaçmaz şəhərinin Bakı-Yalama avtomobil yolunun dairə hissəsində genişmiqyaslı abadlıq və yenidənqurma işləri davam edir.
Shimal.News xəbər verir ki, layihə şəhərin giriş hissəsinin müasir standartlara uyğunlaşdırılması, estetik görünüşünün yaxşılaşdırılması və daha komfortlu şəhər mühitinin yaradılması məqsədi daşıyır.
Görülən işlər çərçivəsində dairənin ərazisi genişləndirilir, müasir işıqlandırma sistemi quraşdırılır və yeni işıq dirəkləri yerləşdirilir. Eyni zamanda, ərazidə yaşıllaşdırma işləri aparılacaq, qazon salınacaq, müxtəlif növ dekorativ gül və kol bitkiləri əkiləcək.
Layihə başa çatdıqdan sonra Bakı-Yalama avtomobil yolunun şəhərə girişində yerləşən dairə həm görünüş, həm də funksionallıq baxımından tamamilə yenilənəcək.
