Xaçmaz şəhərinin Nəriman Nərimanov prospektində yerləşən hündürmərtəbəli yaşayış binasına xidmət göstərən transformator ətrafda yaşayanların narazılığına səbəb olub.
Shimal.News-a müraciət edən sakinlər bildiriblər ki, uzun illərdir qurğu yaşayış evinə yaxın məsafədə yerləşdirilib.
Belə ki, sözügedən transformator Xaçmaz sakini Natiq Əliyevə məxsus fərdi yaşayış evinə normativlərə uyğun olmayan dərəcədə, demək olar ki, bitişik quraşdırılıb. Evlə transformator arasında məsafə yarım metrdən də azdır.
Sakin qeyd edir ki, bu vəziyyət təhlükəsizlik baxımından ciddi narahatlıq yaradır: "Transformatorun titrəməsi və səsi evdə hiss olunur. Ani qığılcım olsa, evimiz yana bilər. Dəfələrə bina rəhbərliyinə, aidiyyəti qurumlara müraciət etsək də, vəziyyət dəyişməyib".
