Xaçmaz şəhərində Azərbaycanın Dövlət bayrağına hörmətsizlik edildiyi iddia olunur.
Bizim.Media-nın məlumatına görə, hadisə iki qurum - Azərbaycan Qida Təhlükəsizliyi Agentliyinin Xaçmaz rayon şöbəsi və Xaçmaz Mənzil-Kommunal Təsərrüfatı İdarəsi yerləşdiyi ərazidə qeydə alınıb.
Yerə atılaraq qalaqlanan metal dayaqların üzərində Azərbaycan bayraqları bərkidilib. Məlum olub ki, qeyd olunan ərazi Mənzil-Kommunal Təsərrüfatı İdarəsinə məxsusdur.
İdarənin rəisi Mikayıl Müslümov açıqlamasında bildirib ki, dayaqların orada uzun müddətdir qaldığından xəbəri olmayıb və bayraqların gün ərzində ərazidən götürülməsi təmin ediləcək.
Azərbaycan Respublikasının Dövlət bayrağı ölkənin suverenliyinin və müstəqilliyinin rəmzidir. Ümid edirik ki, məsul şəxslər vəziyyətə dərhal müdaxilə edəcəklər.
Qeyd edək ki, sözügedən ərazinin Vətən müharibəsi şəhidi Rauf Babayevin adını daşıyan küçədir.
