Xaçmazda mikroavtobusun minik avtomobili ilə toqquşması nəticəsində 4 nəfər yaralanıb. Bu haqda ShimalNews 14 iyun tarixində Report-a istinadən məlumat verir.
Yol-nəqliyyat hadisəsi Xaçmaz-Quba yolunda qeydə alınıb. "Ford" markalı mikroavtobusla "Kia" markalı minik avtomobilinin toqquşması zamanı 59 yaşlı Gülnarə Xanəliyeva, 7 yaşlı Şəlalə Tağıyeva, 49 yaşlı Vəsilə İmamova və 12 yaşlı Rizvan Talıbov xəsarət alıblar.
Onların rayonda yerləşən bağlardan birində fəhlə kimi işləməyə getdikləri bildirilir.
Araşdırma aparılır.
